<p>O‘zbekiston Respublikasi Prezidentining 2026-yil 15-yanvardagi “Kitobxonlik madaniyatini rivojlantirish va aholi o‘rtasida kitob o‘qishga qiziqishni oshirish chora-tadbirlari to‘g‘risida”gi 9-son qaroriga asosan, joriy yilning 13–17-aprel kunlari Alisher Navoiy nomidagi O‘zbekiston Milliy kutubxonasida “Kitobxonlik haftaligi”ni o‘tkazish rejalashtirilgan.</p> <p>Shu munosabat bilan bugun Shovot tuman axborot-kutubxona markazida “Kitobsevar millat” shiori ostidagi VI Respublika “Kitobxonlik haftaligi”ning ochilish marosimi bo’lib o’tdi. Tadbirda Shovot tuman Xotin-qizlar bo’limi rahbari Saida Jumaniyazova, Ma’mun universitetining “Umumkasbiy fanlar” kafedrasi mudiri, Falsafa fanlari doktori (PhD) professor Adilov Zafar Yunusovich, Respublika Ma’naviyat va ma’rifat markazi Shovot tuman bo`limi rahbari Bekzod Matyaqubov, O’zbekiston Yozuvchilar uyushmasi a’zosi Qadamboy Shodonov, taniqli afg’onchi shoir Rahimboy Otaboyev, tuman AKM direktori M.Pirjanova, maktab kutubxonachilari, 2- 15-44-48-son umumta’lim maktabi o‘quvchilari, tuman Madaniyat bo‘limi san’atkorlari hamda faol kitobxonlar bilan hamkorlikda tadbir bo‘lib o‘tdi.</p> <p> Tadbirni tuman axborot kutubxona markazi direktori Maryam Pirjanova ochib berdi.</p> <p>Tadbir qatnashchilari yoshlarga kitob o'qishga bo‘lgan qiziqishini yanada oshirish, yoshlar uchun yaratilayotgan sharoitlardan keng foydalanishlari, kitob o`qishning ahamiyati to`g`risida o`zlarining fikr va mulohazlarini bildirib o’tdilar.</p> <p>Tadbir davomida o`quvchilar, kitob haqida she’rlar o‘qidib, hamda Ona vatanni madh etuvchi kuy-qo‘shiqlar ijro etdilar. Ayniqsa jajji o‘quvchilar o‘zlarining raqslari bilan davraga yanada fayz bag‘ishladilar.</p>